دونيادان اگر حؤرمت اوموب

دونيادان اگر حؤرمت اوموب ، نعشه ديلرسن،
اؤز قلبينه باخ،
ظولمتي بوغ،
نفرتي اؤلدور.
گولدورسن اگر باشقاسيني، سنده گولرسن
گولمك ديليينديرسه اگر اؤزگني گولدور .
بيلديم مي نئچون ، اؤيله گولور باغچادا گوللر؟
گول گولدو كي ، گولسون اونو گؤردوكده كؤنوللر.
دنيزه دؤنمك ايسته ييرم!
ماوي آيناسينداسولارين :
بوي وئريب ، گؤرونمك ايسته ييرم!
دنيزه دؤنمك ايسته ييرم!
گمي لر گئدير آيدين اوفوقلره گمي لر گئدير!
گرگين بياض يئلكن لري دولدورماز كدر!
البت عؤمروم گمي لرده بيرگون اولسون نؤبته يئتر.
و مادام كي بير گون اؤلوم مقدر:
من سولاردا باتان بير ايشيق كيمي
سولاردا سؤنمك ايسته ييرم!
دنيزه دؤنمك ايسته ييرم!
دنيزه دؤنمك ايسته ييرم!

(شعر : بختيار واهابزاده) 

 

 

+ نوشته شده در جمعه بیست و ششم بهمن ۱۳۸۶ ساعت 1:35 توسط قوشاچاي بالاسي  | 

دنيز قيزي

دنيز قيزي

دالغا لار پيلله پيلله

دنيز قيزي چيرمانير

ساچلارين اوزادار كن

قايالاردا ديرمانير

گوجو چاتمير قايايا

قاييدير او دنيزه

دولانير ساحيللري

ايزله ييرايزئده ن- ايزه

گونش باتيب  دير اوردا

دالغا لارين بئلينده

ساچيليب دير ياناغي

دنيز قيزينين تئلينده

دنيز قيزي اوياقدير

سيخير گونشين جا نين

او گونشي سومورور

ايچير قيزارميش قانين

 

+ نوشته شده در جمعه بیست و ششم بهمن ۱۳۸۶ ساعت 1:31 توسط قوشاچاي بالاسي  | 

کئچه بیلسم

کئچه بیلسم

وطن ساری گئدن یوللار

سئوینر قیزلار، اوغوللار

بیر گون سیزدن کئچه بیلسم.

گولر عؤمرون آیی، گونو

تبریزده ووصال کوچونو

ابدی لیک آچا بیلسم.

شادلیغیم توتار هر یئری

دنه دولان سونبوللری

اؤز الیمه بیچه بیلسم.

سئوینیر قوشلاردا بئله

قوشلار کیمی دوغما ائله

قانادلانیب اوچا بیلسم.

نغمه - نغمه دنیزم من

تبریزین بوز چشمه سیندن

اووچ- اووچ ایچه بیلسم.

وطن ساری گئدن یوللار

سئوینر قیزلار اوغوللار

بیر گون سیزدن کئچه بیلسم .

بیر گون سیزدن کئچه بیلسم... .

مدینه گلگون

 

+ نوشته شده در جمعه بیست و ششم بهمن ۱۳۸۶ ساعت 0:40 توسط قوشاچاي بالاسي  | 

گوزلرون  ×  گل

گوزلرون

 

تا دولاندیردون منه ای ماه سیما گوزلرون

گوستریبدور منده اعجاز مسیحا گوزلرون

یل ووروب زولفون سالاندا صفحه رخساروه

بیر ایشاریله خسوفی ائتدی معنا گوزلرون

کیمدن اوره نمیش نگارا بیلمیرم غارت یولون ؟

بیر باخیشدا هر نه ییم وار ائتدی یغما گوزلرون

من دئدیم دل مولکونی تسخیر ائده نمز بیر نفر

یازدی کونلومده ولی انا فتحنا گوزلرون

 

گل

گل، سن اي اميدين گونشلي صبحي
قارانليق گئجه ني ، گوندوزه دؤندر.
آس، سن اي شمالين سرين كوله يي
بو ائله صلح ، سئوينج ، محبت گؤندر.
 شعر: عزيز محسني

+ نوشته شده در جمعه بیست و ششم بهمن ۱۳۸۶ ساعت 0:37 توسط قوشاچاي بالاسي  | 

من گئتسه م

من گئتسه م، دره لر، داغلار قالاجاق


مئشه لر، چمنلر، باغلار قالاجاق
بولودلار قالاجاق، آغلار قالاجاق
ائي منيم ياشاماق، يازماق هوسيم
تک سني اوزومله آپاراسييام

ديرمان زيروه لره يئل قاناديندا
توکول دنيزلره سئل قاناديندا
بير آغي، باياتي، ديل قاناديندا
بير يووا قورماسان آي قورو سسيم
من سني اوزومله آپاراسييام

هله اوچقونلارا ايندي تانيشام
سينيق قايالاري ياماماميشام
هله نه ارکيم وار بئله دانيشام:
وطن داشلارينا دوشمه ين عکسيم
من سني اوزومله آپاراسييام

نه دوز دئمه ميسن، دوزونو دئه کي...
بو تورپاق آغارتسين اوزونو دئه کي
دونيايا سونونجو سوزونو دئه کي
ائي قارداش قلميم دئسه م- دئمه سم
من سني اوزومله آپاراسييام

یازان:  ممد آراز

 

http://gayagizi3.blogspot.com

 

 

+ نوشته شده در جمعه بیست و ششم بهمن ۱۳۸۶ ساعت 0:29 توسط قوشاچاي بالاسي  |