بو ازربایجاندی اودلار اولکه سی
خایین چکه بیلمز بوردا نفسی
بیر مثل وار چیخماز تک الین سسی
هامی میز بیر اولاق اوجالسین الین سسی
-----------------------------------------------------------
کیم دئمیش جانسیز بیر داش اول
ازغین لارا گل قارداش اول
یادلانان قارداشین گلیب
یئنی دن اند ایچ قارداش اول
آغ آتیم
آغ آتیم ، قول قاناتیم ،
آت قدمین یورتمه یئری !
آش تپه لردن
سیلدیریم تک سره لردن
سئله سینمیش دره لردن
بو نه طوفاندی گؤزل کهلیگیمی ایستیر آییرسین فره لردن
غیرتیم جوشه گلیر غملی خبردن
آغ آتیم – قورخما خطردن !
آغ آتیم قول ، قاناتیم ،
شیهه چک ، قوی سسیوه
بلکه یاتانلاردا اؤیانسین
یاتماغین واختی دگیل دورسون اوتانسین
یاتانین عؤمرو تالانسین
تازا نعلین وار آتیم
چال بو داغین سینه سینه ، قوی پارالانسین
چال داغین سینه سی باتسین ، یارالانسین
داشی داشدان ، آرالانسین
آغ آتیم قول قاناتیم
داش قایادان آشما چتیندی
قاباق اؤز یوققوشادی ، قاشما چتیندی
داغا دیرماشما چتیندی
داشا ، سووخاشما چتیندی
باخما یوللاری چتیندی ، اورانین هیبتی یوخدور
آغ آتیم همت ائله !
غیرتی یوخدور
هله اؤز یوققوشالار چوخدو قاباقدا
آشماق اولماز بو آیاقدا
آغ آتیم قول قاناتیم
بسدی ایاق ساخلاما ، گون باتدی قارالدی
گون گئچیب داغ دالینا رنگی سارالدی
داغین اوستون دومان آلدی
آغ آتیم ، بس بو نه حالدی؟
بورا یارقاندی آتیم دورما آماندی ....
آغ آتیم ، قول قاناتیم
آت قدم آیدینلیغا ساری
هؤرکوشن اوولاریلان ؛ چیخ سره یاللاری یوخاری
قار قالان داغلارا سال بیر نفسین
قوی اریسین بوز کیمی چئگینینده کی قاری
سولاری آرخلارا سال بلکه سووارسین
قوری قالمیش اوبالاری
قوی بؤیوک گولده اؤزوشسونله یاشیل باش سونالاری
آغ آتیم
جهد ائله باری
سنی تاری !
آغ آتیم ، قول قاناتیم
طبعیمین دریاسی جوشقوندو
یئل اسدیر لپه لنسین
قوی چالیم صخره لره دالغامی ، دالغام سپه لنسین
قوی یاغیش تک قورویان
داغلارین اؤستونده اله نسین
هرزه اوتلاری آپارسین
لالا بیتسین
هامی گؤللر تزه لنسین
گؤلو بلبل یییه لنسین
آغ آتیم ، قول قاناتیم
آت قدمین قلعه ی بابکدن آشاق
قارا گؤنلن ساواشاق
آت گؤلوندن سس آتیب ، بابکین حالین سوروشاق
یئنه طوفاندا جوشاق
دریالار تک قوووشاق
آغ آتیم ، قول قاناتیم
شیهه چک قوی سسیوه
هاجرینی ترکینه چکسین نبی گلسین
قوی کور اوغلو آتینی داغلارا سالسین
ائشیدیب شیهه نی گلسین
الده کسگین قیلیجیلا
بویاسین قانه کئچل حمزه نی گلسین
قوی کرم سازینی سالسین دؤشونه ، چؤللره دؤشسون
های سسی ائللره دؤشسون
دئگیلن غملی کرم ایستر اگر ، اصلینی گلسین
دشمنین بلکه کسک نسلینی ، گلسین
قوی بو داغلاردا بؤیوک هلهله دؤشسون
داغلارا ولوله دؤشسون !
آغ آتیم ، قول قاناتیم
منه بیر قالغی بابامدان ، بو ورندیلدی ، بونو چئگنیمه ساللام
قاراداغ باشینی آللام
اورا بیر ولوله ساللام
آغ آتیم دورما ، یوبانسان ، دالی قاللام
آغ آتیم ، قول قاناتیم
بیز اگر قلعه ی سیمرغدان آشساق بیزه آزدی
باخما یوللار ناتارازدی
باخما بو قارلی دماوند ، بو قفقاز بو هرازدی
باخما داغدا هاوا دوتقوندو – آیازدی
باخما بو قیشدی بو یازدی
آغ آتیم آت قدمین دریا ، دایازدی
دریانی گئچسن اگر شهرِ نیازدی
اوردا هر قان کی تؤکولدو یئره ، آزادلیقی یازدی
بشر آزادلیغا بازدی !
آغ آتیم ، قول قاناتیم
اوردا دؤلبرچین اوتو دؤرت پَر آچیبدی
اوردا دیللنمگه دیل تازه شیرین دیللر آچیبدی
اوردا باغلاردا بوتون گؤل لر آچیبدی
آغ آتیم
آت قدم آیدینلیغا ساری !
<هوشنگ جعفری>
حقيقت گر شود پيدا به هر قيمت خريدارم.!!!
حق سئل کیمی دریایه آخیب یول تاپا جاقدیر
داش آتماغینان کیمسه اونو چوندره بیلمز
عالمده قارانلیقلار اگر بیرلشه باهم
بیر خیر داجا شمعین ایشیقین سوندوره بیلمز
آذربايجان دئييله ن يئرلر بوگونگو آدلانان يئرلردن سواي باشقا سرحدلر اولاراق " بو عنواني آراشديرماق ايچون باشقا يئرلردن ده فايدالانماغا مجبور گورونوروك .دئمه ك تاريخ و جغرافيا باخيمين بوعنوانا آلمالييق .
قالانين چوخلوغو آذربايجان يئرلرينده هئچ نه دقيق آمار و بيلديري دن آسيلي اولماياراق هر بير آذربايجانلي نين گوزو اونونده يقين بير نئچه قالا دايانيب دير . هر شهرده و هر كندده بير نئچه قالا هئله ده وار آياق اوسته اولاركن اونلارين سايي تاسف له بو گونه دك بير بللي حدده اوزه چيخماميش دير . ايه ر بير پارا بو قالالار هئله آياق داديلار بير پاراسيندان تكجه بير – ايكي اوچموش حاصار و يا داها تاسف لي بير پوشته داش – كرپيچ قاليب دير ! تاريخ يازيلان يئرلرده خصوص كيتاب و يازي سندلر اولمايان عصيرلرده همين داش – كرپيچ لر بير ائل و بير خالقين تاريخينين بيلديره ن ماتريال لار سانيلير . بوگون آرخالوژي علمي بير بئله دقت و سورعت له ايره لي گئديرسه نه دني همين اونم دن آسيلي دير .ائيله سه ( قالالار آذربايجانين تاريخي ديلر ) سوزونه اوره ك دن اينانمالييق . بو قالالار اوچ باخيمدان سئرانمالي و اوخونمالي ديلار : بينا و اونون تيكينتي سويه سي .—بينانين قورولان و چاليشان عصري و يا خود عصيرلري – بينادان فايدالانان كس لر و يا ائل لر .
1- بينالارين تيكينتي سويه سي – اونون نه ايچون قورولماسي فاكتيني آيدين جا بيلديرير . مختصرجه بو قالالار : دوشمان لاردان آمان تاپماق ايچون گيزلي يئرلر – دوشمان لارلا محاربه و دويوش يئرلر – شهرلرويا كندلردن حمايه ايچون قورولان يئرلر – حربي قوه لري بسله يه ن قالالار-يئمه ك و ايل زوماري ساخلايان قالالار – محاربه لرده عائله و عادي شخص لر ايجون امن يئرلر – خان لار .سولطان لار . حاكيم لر و پادشاه لار سرحدديني قورويان قالالار – بير پارا نومايش ايچون تيكيله ن قالالار – دايمي يوروش لر قاباغيني آلماق ايچون تبكبله ن قالالار و...سايره فاكت لار . ديگر طرف دن بو قالالارين تيكينتي سويه سي اوندا چاليشان كس لرين عصريني آيدين لادير . مثال : بو حربي چي لر اوخ و ياي لا و يا توفنگ و توپ لا و يا باشقا حربي آلت لرله دويوشه حاضيرلانميشلا ر بيلينيرسه . اونون عصيري ده بو اوزدن بللي اولور . ها بئله قالالارين تيكينتي سينده ايشله نه ن بينا ماتريال لاري و ها بئله بينانين تيكينتي سويه سي اونون نه ايچون فايدالانماسي و هانسي عصيرين بيناسي دير ياخشي جا بيلديرير . دئمه ك گوزه گله ن بير پوشته داش – كرپيچ دن يوزلر صحيفه دوزگون تاريخ يازماق اولار ..
ايكينجي فاكت بينالارين هانسي عصيرده قورولماسي و اونون داوامي نئچه ديگر عصيرده و هانسي ايل لرده و نه ساياق فايدالانيب دير فاكتي دير . بونو قالالاردان دوشونمه ك اونجه بيرينجي فاكتي دقبق جه آراشديراندان سونرا ال وئريش لي دير . دئمه ك اونجه بو فاكتي بيلمه لييك كي مثال : ساروج دان و چئيي كرپيچ دن بر پا اولان قالالار تكجه آذربايجانا عايد و سنه 200 ميلاددان اونجه دن بري قورولان قالالاردير . سونرا ايسه هر هارادا بو قرار قالالار گورولورسه . دئمه ك 200 ميلاددان اونجه دن بري تاريخي اوخويوب آراشديرمالييق . ها بئله بير پارا يئني ليك لر و دئيشيك لر بو قالالاردا آيدين جا بللي اولار و همين دئيشيك ليك لر كيم لر و هانسي سنه لرده اولوب دور يئنه همين فاكت اوزوندن بيلينه ر .
اوچونجو فاكت او قالالاردان و بينالاردان فايدالانان كس لر ديلر . بو فاكتا ال تاپماق لا دئمه ك آذربايجانين تاريخي چوخ تكميل حال دا الده ائديله بيلير . اونا گوره ده اصيل عنواني بيلمه لييك ( نه دن آذربايجان يئرلرينده قالالار چوخ سايي دا گورونور ؟ ) .آذربايجانين اوزه ل هاوا دورومو . اوندا ياشايان خالقي بير پارا ايش لره و سوزلره دقت لي اولماق لارينا سبب اولوب دور . بيري سه ايل يئمه يي و زوماري دئمه ك دير . اونا گوره ده بير پارا قالالار اونجه همين زومارلاري ييغماق ايچون بر پا اولوب لار ( بو گونكو سيلو و سردخانالار كيمي ) . بير ائل و بير طابفانين ديريليي همين زوماردان آسيلي اولاراق بو آنبارلاري گودمه ك و اوندان موغايات ائتمه ك همين ائللره بير بورج كيمي وارميش . ائيله سه او گونكو دوشمان لاردا همين زومارا ال تاپماق ايچون محاربه يه گلميش لر . بئله حال دا يئرلي ائل لر زومارخانالاردا بير پارا دايمي گودوك چو و عسگر لازم لي گورموش لر .
آذربايجان كند و شهرلري گوزه ل توپراغي و هاواسي و خالقينين غيرتي آلتيندا دايما نعمت لرله دولو و هر طاماح كارين آغزيني سولادان وارميش . اونا گوره ده هر قونشو خالق – ائل – سولطان – حاكيم ...و سايره لر آزجا زورلانماق همي بو اولكه يه يوروش ائديب و اوزونه پاي آپارماغي بير آرزي كيمي بسله ييرميش لر . زوماردان باشقا و بلكه داها اوستون آنا تورپاغينا و آتا اوجاغينا آرتيق ماراغ و غيرتي اولان آذربايجانلي ساده جه بو يوروش لره بويون اولماييب و تكرار محاربه لره آليشميش دير . بئله تكرارلي محاربه لر دايمي و داواملي قالالار طلب ائديرميش . دئمه ك ( آذربايجانلي تاريخ بويو باسقين لارا معروض قالمبش دير ) و ديگر طرف دن ( آذربايجانلي هئچ زامان محاربه يه ايلك آتديمي آتماميش دير ) . بلكه دايما طاماح كار و زوربا دوشمان لار قارشيسيندا دويوشمه يه مجبور قالميشدي . قالالار آذربايجانين تاريخي اولاراق اوخونمالي و بسلنمه لي ديلر!
قالالاردان علاوه " پيرلر بيناسي – اوجاق لار بيناسي و باشقا زيارتگاه لار بير خالقين مقدس ايناملاري سانيلاركن بسلنمه لي و هابئله آراشديرمالي ديلار . ائيله سه آذربايجانلي ايچون مقدس يئر نه دير ؟ بونو اونلارين آنديندان باشا دوشمه ك اولور . آنا سودو – آتا چوره يي – آتا مزاري – يئدييم چوره ك – دادديقيم دوز – حق سلام – كسدييميز چوره ك – اولو تانري – يئري گويو يارادان حاققي – بالا جاني – يئدييميز بركت حاققي و... بو ساياق آندلار اونلارين اينامين داها آيدين گوسترير . بير ناغيل – بير حادثه – بير اينام و بير كرچك دن دوغولان بو بينالاردا قالالار كيمي ائلين تاريخي سانيلير . بو عنوانا داوام " سيزين ياشاديقيز يئرده نئچه قالا – پير – اوجاق – امامزادا ... واردير ؟ اونلاري بيلين و باشقا ماراقلي لارا بيلديرين .
زهره وفايي – تبريز
اردبيل كسين ليك له آذربايجان دير !
اوشاق لار { كيمليك } معناسيني سوزده آچا بيلمسه لرده، يقين كونول لرينده و دوشونجه لرينده همين كيمليك ايضاحيندا بير نئچه سوز – معنا و آچيقلاما بسله ييرلر . بو ادعاني اوز اوشاقليق دونيامدا اولان دوشونجه اوزوندن دئييره م .
آيه م ده– سايه م ده بير،ائويميزه دونه ن كربله علي دايي ، منيم ان ايسته ك لي گله ن لريمدن بيري سانيليردي.اوكيمسه نين دايي سي ويا خودبيزله نه ايليشگي سي وارايدي ، باشا دوشمزديم . آنجاق ديگر اوشاق لارلا برابر سئوينجك هارايلايا – هارايلايا « كربله علي دايي گليب دير ! » دئييب و قوناق حيه طينه جومارديق . اوزونده بيته ن بوغ – ساققال آدلي تير – تيكانا باخماياراق اوزوموزو اونون قــوجاقينا آتيب و ايسته ك له دولو گوروشمه سي ايچون شيرين بير ياريش گئچيرده رديك . داها سونرا كربله علي دايي ان بالا اوشاق لاري ديزي اوسته آليب و ديگر اوشاق لاري چئوره سينه ييغيب اونجه چئشيدلي جيب لريندن چئشيدلي يئمه ك لر چيخارديب ، هر بير اوشاغا بير اووج توتون له بلشميش ايده – بادام – كشميش – گيرده كان – عناب – بيچنديك ... نه لر و نه لر وئره ردي . سانكي اونون جيب لري توكنمز بير باققال آنباري دي ! و داها سونرا گزديك لري يئرلردن و گوردوك لري ماجرالاردان ، آنجاق اوشاق سئوه ن كيمي تعريف له ييب و سونرا سئرا اونون سيغار آليشديرماغينا گليردي . پاپيريز كاغيذين آغزيله ايسلاديب ، توتونو اوندا بورالاييب و آليشديراردي .آنجاق سيغار چكنده نه دئييب و نه دانيشاردي . ده رين بير فيكره جوموب ، گوزوندن اوزونه سئچرايان حسرت اوشاق لاري دا بئله سوسدوراردي . بير او قده ر اونو سئودييم ايچون ، اونو اوز دوشونجه لريمده بير عابيده كيمي يئر وئريرديم . آنجاق نه ده نين آراشديرمادان اونو سئومه يه بير عابيده كيمي تسليم اولموشدوم .
سنه لر سونرا كربله علي دايي و ديگر ايسته دييم و غيرتيني چكدييم معنالار آراسيندا بير ايليشگي دويدوم . بلكه هئچ ياراشمايان سوزدور آمما من اردبيله گئدنده اوزومو كربله علــي دايــي ديزي اوسته ايله شميش همين اوشاق حيس ائديره م .
مسكين ليك لر ايچينده بوغولان بئله هيكل لي و هيبت لي شهر ، هر بوجاغي چئشيدلي نعمت لرله قاينايان و داشان شهر ، سينه سي ناغيل لار – تاريخ لر و ماجرالارلا دولو اولان حال دا سوسگون شهر ، يئريندن اوزاق دوشه ن شهر ، الي خمير قارني آج – ائلين ديلين دانماغا باسيلان شهر ، كوچه ري قوشلار فضله سينه بله نن غيرت و همت له توكولموش بير هيكل، پاپيريزتوستوسونه دولاشان شهر ، ديزلرينده ياماق ، سينيق كوزه ده سو ايچه ن كوزه چي ، آنلي قيريش – قيريش ، اللري چاليشمادان آغاجا دونموش .... سوزون قيساسي : آيري – سئچگي ليك لر بندينه چكيلميش بير آسلان شهر !
ائل طايفاسيني ارمني لر قيران – مال دولتيني كوردلر چالان – كيمليگ يني پهلوي غارت ائده ن مين لر ديگر آذربايجانلي تك كربله علي دايي نين گئده ن ساعات لاري ان آجي ساعات لار ايدي . اونون گئتمه يي ايچون يوخ بلكه نه ساياق گئتمه يي ايچون. قوروچوره ك– كوهنه پار پالتار – يئيلمه ين دن دوش ....ييغيليب بير منده يه چئوريليردي . كربله علي دايي منده ني دالينا آتاركن باخيش لاريني اوشاق لاردان دا بئله گيزله دردي . دوغروسو هئچ ياراشمازدي . او كيشي يه بو ديلنجي ليك منده سي هئچ ياراشمازدي . آمما پاي بوله ن بئله بولموشدو .
اردبــيل ده خياوان كناريندا سايــي سيز آيين – اويون ساتيجــي لارينا باخاراق « گوز قاباغي بئله دير گور گيزلي ده نه لر چكير بو خالق » دئييب ، باخيش لاريمي اونلاردان گيزله ديره م .دوغروسو من هر زامان آذربايجاني گورمه ك ايسته يينده اردبيله گئديره م . كــربله علــي دايي نين قوجاغي بلكه همين ساوالانين اته يي ميش !
زهره وفايي – تبريز
http://www.kitablar.com http://www.kitablar.org/
اؤزگورلويون سون ديرهيي
( SEFERXAN )
(صفرخان)
Özgürlüyün son direyi yıxıldı
اؤزگورلويون سون ديرهيي ييخيلدي
Başın sağ olsun ulu Azerbaycan
باشين ساغ اولسون اولو آذربايجان
El üreyi birdahada sıxıldı
ائل اورهيي بيرداهادا سيخيلدي
Aramızdan köçdü böyük Seferxan
آراميزدان كؤچدو بؤيوك صفرخان
Yene Nebi, yenede dağ, qazamat
يئنه نبي، يئنهده داغ، قازامات
Yene satqın, yene erbab, yene dar
يئنه ساتقين، يئنه ارباب، يئنه دار
Yene qoçaq, yene qaçaq, yene at
يئنه قوچاق، يئنه قاچاق، يئنه آت
Yene önde oyulmalı bir duvar
يئنه اؤنده اويولمالي بير دووار
Bahar senle sürünürdü Seferxan
باهار سنله سورونوردو صفرخان
Gözleyirdik könül açan çiçeyi
گؤزلهييرديك كؤنول آچان چيچهيي
Yoxluğunda dirseklendi sen yıxan
يوخلوغوندا ديرسكلندي سن ييخان
Tapşırıbsan kime odlu tüfeyi
تاپشيريبسان كيمه اودلو توفهيي
Hansı qulaq eşidecək sesini
هانسي قولاق ائشيدهجك سسيني
Yol öyretdin, dedin tüfeng al ele
يول اؤيرهتدين، دئدين توفنگ آل اله
Şaqqıltı sal, güllele kölgesini
شاققيلتي سال، گوﻟله كؤلگهسيني
Anlamazı qırıb qanına bele
آنلامازي قيريب قانينا بله
Sert qayalar sırdaşınıydı Sefer
سرت قايالار سيرداشينايدي، صفر
Dincelmedin dincelmedikce elin
دينجلمهدين، دينجلمهديكجه ائلين
Qoşunundan qalmasada bir nefer
قوشونوندان قالماسادا بير نفر
Zülümkarın bükdün dözümle belin
ظولومكارين بوكدون دؤزومله بئلين
İzin qalır dağlarımın döşünde
ايزين قالير داغلاريمين دؤشونده
Yal-yamaclar gəlişine darıxır
يال- ياماجلار گليشينه داريخير
Yaşayırsan kahaların düşünde
ياشاييرسان كاهالارين دوشونده
Atın Bayındır deresinden çıxır
آتين باييندير درهسيندن چيخير
Söyle Sefer o dustaqdaş dilinden
سؤيله صفر، او دوستاقداش ديليندن
Açarlarmı ayağndan qandalı
آچارلارمي آياغيندان قاندالي
İtirdiyin otuz iki ilinden
ايتيرديگين اوتوز ايكي ايليندن
Biri dile getirecek men lalı
بيري ديله گتيرهجك من لالي
Sinişmədəin bir ömürlük dustağa
سينيشمهدين بير عؤمورلوك دوستاغا
Özgürlüyə döyünürdü üreyin
اؤزگورلويه دؤيونوردو اورهيين
Darıxırdın ar çapdırdığın dağa
داريخيردين آت چاپديرديغين داغا
Bükülürdü hesretinden küreyin
بوكولوردو حسرتيندن كورهيين
Amma qardaş biz sinişdik lallığa
آمما قارداش، بيز سينيشديك لالليغا
Ğeyretimiz göl suyutek qoxudu
غئيرتيميز گؤل سويوتك قوخودو
Ulusumuz üz qoydu abdallığa
اولوسوموز اوز قويدو آبدالليغا
Qaş aldırıb oğlun kamfa toxudu
قاش آلديريب اوغلون كامفا توخودو
Yaraşdıqca qılıncımız qınına
ياراشديقجا قيلينجيميز قينينا
Yaraqlanıb at minməyi unutduq
ياراقلانيب آت مينمهيي اونوتدوق
Ozanımız saz basmadı bağrına
اوزانيميز ساز باسمادي باغرينا
Kökümüzü Elimizle qurutduq
كؤكوموزو اليميزله قوروتدوق
Yalqız ana neyimize güvensin
يالقيز آنا نهييميزه گووهنسين
Ğeyretə bax, söyülürük, gülürük
غئيرهته باخ، سؤيولوروك، گولوروك
Atamızı buraxmışıq dilensin
آتاميزي بوراخميشيق ديلنسين
Yabancının qapazına ölürük
يابانجينين قاپازينا اؤلوروك
Üreyimi qardaş kime boşaldım
اورهييمي قارداش كيمه بوشالديم
Öpen gördüm sen kesdiyin elleri
اؤپن گؤردوم سن كسديگين اللري
Satqınları göre-göre qocaldım
ساتقينلاري گؤره- گؤره قوجالديم
Dikeldibler gör nece engelleri
ديكهلديبلر گؤر نئجه انگللري
Sesleyende (Mahi) Balıqçı qardaş
سسلهينده (ماهي) باليقچي قارداش
Ümma hele alabiləm öcünü
اومما هله آلا بيلم اؤجونو
Özlüyünden utandıqca veyendaş
اؤزلويوندن اوتانديقجا وطنداش
Tapanmaram hele savaş gücünü
تاپانمارام هله ساواش گوجونو
سلام همراهان گرامی از این پس بخشی از فعالیت این
وبلاگ به ادرس زیر منتقل خواهد شددوستان می توانند از ادرس
زیر به وبلاگ جدید دست یابند و مرا از نظرات خود اگاه سازند
سلام دوسلار گلجکده من اوز جالیشمالاریمین بیر قیسمتین
ایری بیر وبلاگ کی ادرسی قید اولاچاخدی اپاراچام کی اگر سیز
دوسلار قابیل بیلیب باشویرساز سیزدن مینتدار اولام
http://turksevanlar.azeriblog.com
تانرینین آدی و یادینان