نینیرم دنیزین ساکیتلیینی * انون دالغاسینا * داشیرقاسینا اویغونام
یاشاسین آزادلیق * یاشاسین اینسان * بو منیم ایک آرزومدور
yashasen
+ نوشته شده در جمعه هفدهم خرداد ۱۳۸۷ ساعت 3:33 توسط قوشاچاي بالاسي
|
گؤروش قدري
گؤروش قدري
گؤزلیم !
سئومه یه جک ایدین سه
ندنسه گؤزلریمه توخونماق ایسته دین ؟ !
بلکه ده سن دئییلمیش سن
بلکه ده من
کابوس لار ایچینده
سئومیشم سنی .
بیر غریب آخشامین
غریب یولچوسو
بیر دلی شهرین ، دلی بالاسی
آه ...
سنی سئویرم .
باخمازسان اوزومه
گئدیرم اینان
لاپ بو یوللاردا
منی ساخلاماز
لاپ بو شهرده آنلاماز منی
آه ...
لاپ دلی جه سینه
اونوتسان منی
سئویرم ، گؤزلیم ، سئویرم سنی .
گئجه ...
تبریز ...
من ...
و ...
ندن سئومه یه جکسن منی ؟
گئدیرم ...
گئدیرم ...
« گؤروشه قدر » ! .
بابک قوجااوغلو
+ نوشته شده در جمعه هفدهم خرداد ۱۳۸۷ ساعت 3:23 توسط قوشاچاي بالاسي
|
گل بؤلك دونياني ايكي ليكده بيز
گل بؤلك دونياني ايكي ليكده بيز
دره منه دوشسون
داغي سن گؤتور.
قالسين يئر اوزونده قوشا ايزيميز
قارا منه دوشسون
آغي سن گؤتور.
ايلين ائولادييك، يايلا - قيش كيمي
فصيللر ياشاسين ياناشي منده
بيرگه بيريئده ييك گؤزله - قاش كيمي
گؤزلر سنده قالسين،
گؤز ياشي منده.
گوندوز - گئجه ني عزيز ساخلاياق
گونش سنه دوشسون،
آي منه قالسين.
جوشغون سئللر كيمي بير گه چاغلاياق
دنيز سنين اولسون
چاي منه قالسين
بيزيك دونيايا سنين له شريك
بيزسيز نه قيش گولر، نه ده كي باهار
حياتدا هر شئيي بؤله بيلريك
آمما بؤلونمه ين:
بير سئوگيميز وار.
(شعر: نبي خزري)
قوجالدير انساني،قوجالدير زامان
اورگين آتشي،كؤزو قوجالمير
داغلاري-داشلاري قوجالدان زامان
بيلميرم بس نييه اؤزو قوجالمير
گئتدي باهاريميزؤيئر قيشا قالدير
دوزلر قارا قالديرؤياغيشا قالدير
بيزيم كي بير قورو باخيشا قالدير
نئيله يك آرزونون كؤزو قوجالمير
بختيار! دوشونك بيز درين-درين
خياللار محتشم،آرزولار شيرين
اصيل صنعتكارين،اصيل شاعيرين
اؤزو قوجالسادا،سؤزو قوجالمير
(بختيار واهابزاده)
+ نوشته شده در جمعه هفدهم خرداد ۱۳۸۷ ساعت 3:20 توسط قوشاچاي بالاسي
|
هامي سني گيزير
هامي سني گيزير
بوتون دووارلارا
اعلان ووروبلار
بوتون سيته لرده
شكيلين واردير ...
قزئتلر هاميسي سندن يازيرلار
خبرلر هاميسي سني دئييرلر ...
اينسانلار هاميسي سني گزيرلر
قوشلاردا ،
ايت لرده ،
و پوليس لرده ...
هامي سني گيزير
هاميسي سني ...
دئييرلر : "شهرده بير قيز ايتيب دير !!!"
بيلميرلر
سن منيم اوره ييمده سن !...
بابك قوجا اوغلو
+ نوشته شده در جمعه هفدهم خرداد ۱۳۸۷ ساعت 3:19 توسط قوشاچاي بالاسي
|
محو ائدیریک
محو ائدیریک
گــــور نئجه محو ائـــدیریک سیگارینان جا نیمیزی
قــــاتیــریق هـر دودونان جسمیده کی قانیمیزی
گـــئدیـــرک کــافّـه لـــره صحــبـته اعـیـانی آچیپ
دئـیـیـریــک کــافّه چـیـیـه وئر بیزه قلیانیمیزی
سینه یه توسکودولوب عطسه یه هیچ یوخدوماجال
دئییریک چــای ایچیریخ دولدورون قندانیمیزی
او زامـــانـیکی یـئـتـیـردی اوبــایـا نـازلی قوناق
ســیگــاری بخـشـشـینن خوش دئدیک مهمانیمیزی
اجنبی سیگاری هر مدلا چیخاتدی بیز اوچون
بیـز چئکیب چوخلو سئویندیردیخ او شیطانیمیزی
جـــان بیزیم پــولدا بیزیم خانه خراباتی بیزیم
بــو صـفــائـیـلـه اونــا ائـیـلـدیــک احـسـانیمیزی
سیگارا بوسه ووروب پوزلومودوچئکدیق اوزه
بـــو مــُدیـلــه اوشاقــا سـویـلـدیـک فرمانیمیزی
یوسفین داش قلمی یازدی عجب باشقا سوزی
بـلــکه بــیـر آن آزادا پـیـس یـولا قــوربانیمیزی
یوسف پورعظیم شوطی 8 -1-86
+ نوشته شده در جمعه هفدهم خرداد ۱۳۸۷ ساعت 3:17 توسط قوشاچاي بالاسي
|
من دِئييره م
من دِئييره م
ياتا مميرام بيرجه منه ساز وئرين
ساز وئرين هم سسيمه آواز وئرين
چالماق اوچون بيرسازيما نازوئرين
بلكه دوشم عشق اودوندا بير يانام
پروانه تك شمع يانيندا دايــانام
اوجا داغ تك باهاردا من قاردايام
قفسده كي بلبل كيمين داردايام
گئجه گوندوز بيلين انتظار دايام
ائــديـن كمك آرزومــا تـــا چاتيم
بستريمده گئديم گئجه خوش ياتيم
دوزدوكي هرسوزه اوره ك شاد اولماز
هـــر قفـسيـن قـــوشلاري آواز اولـماز
گرچي ايـنـدي آديــم ائـلـده يــاد اولماز
سوئيلويه جم سوزلريمي ائللره
بلكه دوشر آديم بيرگون ديللره
شاعر گئده ن يولدا دوروب قالميشام
محـــببـتـي بــو يــولــلارا سـالميشام
شاعير لرده ن بو يولدا سوزآلميشام
قوخمويا جام من گئده جم يولومو
آخيره كن چاتتيراجــام قــوئلـومو
قاش آلتيندابيرجوت قاراگوزوم وار
عاشقلره عشق اودوننان سوزوم وار
عيبي دئيين منده چوخلو دوزوم وار
بلكه عشقين يولون گوزه ل تانييام
پيس ياخچيني بيربيريننن سانييام
آذربايجان تــوپــراقيـنـدا بيتميشم
تانينمايان يــئـرلـــريـنده ايتميشم
خــدمـتـيـمـي تـوپـراقينا ائتميشم
صحبتيم وار سوزلريم وار وطننن
نام و نيشان ايسته ره م هر گئلننن
یوسف پورعظیم شوطی - شنبه 19/12/85
+ نوشته شده در جمعه هفدهم خرداد ۱۳۸۷ ساعت 3:16 توسط قوشاچاي بالاسي
|
غربتده شهيد اولانلارين خاطيره سينه
(( غربتده شهيد اولانلارين خاطيره سينه))
آنادان شير سودو
امن ارنلرين
قبريده دؤيوشدو
عسگر ساياغي
غربتده دوشدو كي ،
زمييه دؤنسون
بير قبير اؤلچوده
وطن توپراقي .
( شعر: شاهمار اكبرزاده)
+ نوشته شده در جمعه هفدهم خرداد ۱۳۸۷ ساعت 3:15 توسط قوشاچاي بالاسي
|
بيرينجي سئودا
بيرينجي سئودا
سانكي اوددور
سو دور
آغيز آچير آدامي اودور
باخيرسان گورمورسن
گورورسن سئچميرسن
ديلين سوز توتمايير
كلف كيمي دولاشير
اوره يين تووشويور
سانكي دالاردان آشير
بيرينجي سئودا
بابک وطن سئور
http://zendegi20.persianblog.com
+ نوشته شده در جمعه هفدهم خرداد ۱۳۸۷ ساعت 3:12 توسط قوشاچاي بالاسي
|
ايلك دفعه
ايلك دفعه گؤرنده وورولدوم يامان
وئرمه دي گؤزلرين وئرمه دي آمان
آي داغلار مارالي سئوگيلي جانان
كؤنلومو آلميسان هارا گئديرسن ؟ ...
اوز اوزه گلنده توتولدو ديليم
آليشدي آغزيمدا اود اولدو ديليم
سئوگيمي آچماغا چاتيشمير ديليم
كؤنلومو آلميسان هارا گئديرسن ؟ ...
كؤنولده دؤيونتوم داماردا قانيم
حياتدا سئوگيليم ، سئوگي ده آنيم
اوزاق گزمه آي باشينا دولانيم
كؤنلومو آلميسان هارا گئديرسن ؟ ...
(بابك قوجا اوغلو)
+ نوشته شده در جمعه هفدهم خرداد ۱۳۸۷ ساعت 3:10 توسط قوشاچاي بالاسي
|
تانرینین آدی و یادینان