بیز تورکیز

یئنی ایل حاقدا بایاتی لار

عزیزیم او گونئیلر

او گونئیلر او قوزئیلر

هر کیمین فامئلی گلسه

بایرامین او گون ائیلر

عزیزیم یاز باغدا

بولبول اوخور یاز باغدا

یارا مئهمان اولایدیم

قیش اوتاقدا یاز باغدا

عاشیق گلیر سازی وار

سازینین مین نازی وار

هر باهارین بیر قیشی

هر قیشین بیر یازی وار

باهار گلر یاز گلر

قیش یئتیشر قار گلر

گونی قارا اولانا

گئنیش دونیا دار گلر

عاشیقلاردا ساز اولار

سازلاریندا سؤز اولار

یاریم چیلله ده گلسه

چیلله منه یاز اولار

سهند سنه ائل اولام

اتگینده گول اولام

یار گلیب منی درر

اونون الینده سوللام

ساوالان قارسیز اولماز

باغلاری بارسیز اولماز

گؤزللرین رسمی دیر

گؤزه ل ویقارسیز اولماز